TUSEMEZANE NA BIASHARA ZETU

"Biashara ni kama kufuli lakini ubora wake na mafanikio yake huonekana  pindi ufunguo husika Unapopatikana. Jaribu kufikiri mtu anayeng'ang'ania kufuli ambalo hana ufunguo wake inakuaje?  Ni kupoteza Muda na kutokuishi katika ndoto zake."  - Lazaro Samwel 

"Kama huwezi kuifanya akili yako kuwa biashara utakuwa mtumwa kufanya biashara za wengine bila kujijua". - Lazaro Samwel 

"Upendo ukitawala katika biashara yako mwenyewe ambayo unaitendea haa akili yako itakufanya kuwa biashara na utafurahia kila sehemu hata ukiambiwa uelezee unanufaika nayo hutaona aibu" - Lazaro Samwel 

"Unapoambiwa mambo mazuri hayahitaji haraka sio kwasababu yanajileta yenyewe, hapana, ni kwasababu inakuchukua kujenga hatua moja baada ya ingine kutoka kwako kuweza kuyapata hayo mazuri,sio hatua mbili baada ya tatu. Mambo mazuri yanahitaji muda wa kupiga hatua moja sahihi baada ya ingine na kuweza kujiimarisha kwa zingine zijazo" - Lazaro Samwel 

Unajenga biashara lakini ni kwa misingi ipi ambayo imekufanya kujenga biashara? Je ni misingi ya kupanda na kushuka kwa soko ndivyo ambavyo vimekufanya kuanzisha biashara yako kwa haraka kwa kwenda kuchukua mkopo ambao baada ya usambazaji na uhitaji wa bidhaa sokoni kufa unapata pressure na kuharibu maisha yako kabisa na familia yako? Nadhani bila shaka twajua kwamba watu wengi Duniani ambao tunasikia wamefanikiwa na ni matajiri ni kwasababu ya kufanya biashara na hili sasa imekuwa ni kama sehemu muhimu katika kubadili maisha yetu. Ushawahi kwanini idadi kubwa ya watu wanafanya biashara lakini bado maisha yao hayabadiliki au hata wewe umeshawi kujiuliza ni kwanini unafanya biashara lakini bado hufanikiwi au hufiki sehemu ambayo mwanzo unaanza biashara ulisema nitafika? Tatizo ni kwamba  hatufanyi biashara zetu lakini tunasaidia wengine kufanya biashara zao. Yani biashara yoyote ambayo unaifanya na wala hauumizi kichwa jinsi ya kuiboresha au jinsi ya kuimarisha vizuri  ila tu wewe ni kuangalia mwingine kafanya nini,jua kwamba hapo utakuwa unamfanyia yule anayewaza kuiboresha na kuimarisha biashara yake lakini wewe imemwiga. Na hapa ndo maana wengi hatufiki tunapotaka mwisho wa siku unaanza kutafuta waganga na hirizi nyingi kiunoni mwisho wa siku nyumbani sheria kibao.Mafanikio ya biashara hayaji kwa kufanya hivyo. Katika maandalizi ya kitabu changu kingine kunasehemu nasema kwamba biashara bila mauzo hiyo sio biashara, lakini haya mauzo hauwezi kuyafanya bila kujenga vitu hivi viwili 

1. Mahusiano na Wateja 

2. Uaminifu kwa wateja. 

Mahusiano yako yatajenga uaminifu na wateja wako kukuletea wateja wengine wengi na ambao watakuamini zaidi ya wateja wa mara ya kwanza. Biashara ya kuiga haiwezi kuwa na mauzo kwasababu ya hayo mambo mawili hauwezi kuiga katika biashara na hata kama utaiga basi utapata kwa muda flani unachokitaka lakini baada ya hapo utakuwa tuu unashuhudia mwenzako leo kapanua duka lake kesho kanunia gari, mwaka unapita anakwambia najenga nyumba wewe bado hujashtuka kwamba mwenzako kajiganga mwenyewe kwenye akili yake. Kumbuka katika biashara yoyote wewe ni kama udongo na biashara yako ni mbegu ambayo inahitaji mazingira ambayo ikiwekwa lazima ichanue na iweze kuzalisha matunda mazuri sasa chukulia wewe unachukua mbegu ambayo ilikuwa inahitajika kuota kwa mwenzako unadhani itaota?? hapana mwenzako alikaa na kujua kwamba mbegu ambayo nahitaji ni ya aina flani wewe haukuwaza na wala haukutafakari ukachukua mbegu ya mwenzako unaweka kwako kila siku unamwagilia maji lakini hakuna kinachotoka, unachukua mikopo kibao kufanya lakini wapi,hausogei. Moja ya mtu kupata fursa ni kuhamisha kutoka kwa mwingine kitu anacho kifanya lakini lazima uweze kuipitisha hiyo fursa ambayo inaweza kuwa biashara katika kuifanyia ubunifu ( Creativity and Innovation) hapa ndo kujitafutia mbegu bora kama umechukua fursa sehemu ingine. mfano mwenzako anatengeneza juice ya matunda na kuweka sukari na anapata wateja wengi tuu sasa wewe usifanye kama yeye angalia baada ya kuweka sukari unaweza kuongeza kitu gani kingine kwamba mtu akiwaza kuhusu kununua juice awaze kuhusu wewe kwanza kabisaa? angalia wakina MAC JUICE wanachokifanya,kama ni kuuza chips unakuta mwenzako yeye akipika anaweka tuu karoti kwenye mayai na hoho kidogo na kuchanganya na viazi kupata chips mayai, sasa wewe ni kitu gani ambacho utakifanya kwamba mtu akitaka kula chips awaze kuhusu kuja kununua kwako? hapa ndipo utakuwa umepata mbegu sahihi katika kukufanikisha.Licha ya hivyo utajenga mahusiano mazuri na wateja wako na wataweka imani na huduma yako pia. 

Mauzo katika biashara yako ni wewe mwenyewe na sio biashara yako, kuwa makini na upandaji wa mbegu ya biashara kwako. Usiogope kukaa miaka 2-5 kutafufa kitu sahihi kukifanya kuliko kufanya kitu ambacho kitakupotezea ramani ya iliyobaki katika maisha yako yote.

"If you can not trade with your mind you can never trade with your business"  - Lazaro Samwel 

"Any right business for you has a right code for your success" - Lazaro Samwel 

By Lazaro Samwel 

Email ; lazarosamweli41@gmail.com